Stordal Turlag

Tur 6: Ljøen

Det var ein dag med veldig ustadigt ver, likevel vart turen til Ljøbrekka ein flott opplevelse. Heile 14 stk trossa veret, og var med på tur. Vi køyrde til Herdalen i Stranda, der råsa over Ljøen startar. Fint terreng i starten opp til eit lite vatn. Derifrå går det ”Trollstig-svingar” oppover Herdalsbrekka. Der kom også skodda sigande, og vi såg ikkje stort på ei stund. Vi fylgde råsa etter merking, men den førte oss i feil retning. Vi kryssa ei skråning med kjerr, og kom innatt på rett spor, langs nordvestsida av Nykkjevatnet.

Dermed gjekk vi langs vatnet på rett side. Skodda letta, og frå Ljøsætra kunne vi skue utover Geiranger- og Synnylvsfjorden. Vakkert! På veg nedatt dei 35 svingane i Ljøbrekka ved Hellesylt, passerte vi vegstubben som tyskerane starta å lage under 2. verdskrig. Det vart ikkje noko av vegen, men flott oppmuring var det no uansett.

Fakta:
Dato: onsdag 10. august
Tidsbruk: ca. 2,5 timar
Antal deltakarar: 14

Sjå fleire bilder i bildegalleriet