Stordal Turlag

Tur 3: Fjellestøa

Onsdag 8. juni var det endeleg eit lite opphald i det ustabile veret som har vore i heile mai-juni. Turlaget hadde tur frå Dyrkorn, utom tunellen og ned til Fjellestøa, 14 personar var med.

Turlaget har på fleire turar gått i fotefara til Fokhaug Ola og Kjersti. Først på Fokhaugtuftene i 2009, der Kristian Almås fortalde frå historia. I 2010 var turlaget på Fjelle over Dyrkorn og såg på tuftene etter husa dit dei flytta for 300 år sidan. No var det båtstøa som skulle få eit besøk.

Turen utom tunellen frå Dyrkorn er ein triveleg rusletur. Her er asfaltert, lett å gå for både store og små. Litt før siste svingen før Kokarsteinen, hadde turlaget rydda råsa ned til sjøkanten. Der er eit raudt merke på autovernet, viss fleire vil gå ned. Det er bratt ned, og ikkje tiltrakka. Litt lause steinar og glatte partier kan forekome. Det er ikkje langt å gå.

Det er ikkje mykje igjen av støa no. Gamle folk kunne enno huske at der hadde vore restar, ikkje av naust, berre ei stø. Vi såg der den mest sansynleg hadde vore.

Fakta:
Dato: onsdag 8. juni
Tidsbruk: ca. 2 timar
Antal deltakarar: 14

Sjå fleire bilder i bildegalleriet