Trass i skumle meldingar, vart det eit
strålande flott haustver denne dagen. 15
personar møtte opp for å gå
på topptur.
Kjell Magne Hove var turleiar. Vi starta
frå langrennstraseen på
Stavsengfjellet, og gjekk på skrå
nordover (mot høgre) til vi traff på
råsa. Litt stigning opp til første
toppen; Kopphornet. Så gjekk vi opp og ned
toppar i tur og orden.Over Ekrenakken til
Heihornet(1033 moh), Vadbotnhornet(1205 moh -
turens høgaste punkt) og tilslutt
Storhornet(1181 moh). Flott utsikt heile vegen,
mot dalane og fjorden, sjølv om vi ikkje
såg så mykje av Stordal sentrum.
Mellom Vadbotnhornet og Storhornet var ein
skrent som måtte klatrast ned (7-8 meter).
Turleiar hadde med tau som kunne nyttast.
Ellers var det greitt terreng å gå i.
Vi brukte ca 3,5 timar til Vadbotnhornet, og 1
time derifrå til Storhornet.
På Storhornet bles det godt, og det vart
bestemt å legge om ruta frå den
opprinnelege planen. Vi skråa ned til
Fjelladalen, og gjennom skaret til
Ringsetbotnen. Isbreen som brukar å ligge
i skaret, var nesten heilt vekke – ingen
tvil om at vi har hatt ein fin sommar i
år! Vi kom ned på gardane på
Stavseng.
Fakta:
Dato: søndag 21. september
Tidsbruk: ca. 6,5 timar
Antal deltakarar: 15
Sjå fleire bilder i Bildegalleriet
Tekst og foto: Ruth Janne Vinje