Til topps på Varden - 840 moh

Det var kø i fjellsida opp Hovsnakken søndag. Sunnmørsposten arrangerte ein av sine til topps turar, og med vergudane på si side, vart det folksomt opp gjennom råsa.

Omlag to timar måtte ein rekne med opp til topps frå Hovslia. Vel oppe tok vinden godt tak, så dei fleste satte seg l ly innom varden.

Terje Aasen ønskte velkomen til topps, og meinte at folketale i Stordal akkurat hadde auka med 50 %. John Helge Larsen fortalde fjellfolket om Stordal, med alle opplevingar og aktivitetane ein kan nytte seg av. Med stor innleving fortalde han fjell og fjellvatn, og om kor fine turar ein kan ta i området. ”Start gjerne i Liabygda” sa han,” men kom dokke fortast mogleg over til Stordal.”

Sunnmørsposten kom heller ikkje tomhendt til topps. Alle fjellfolka fekk utdelt caps, og det vart trekning av gåvekort og andre premiar.

Dei som enno hadde litt energi på lur, vart oppmoda om å gå alternative ruter ned frå Varden. Mange nytta høvet til å gå ned via Mebustsætra. Om ein kunne bli henta, var også å gå ned via Vikahornet til Dyrkorn ei god rute.

Vel nede på flatmark, hadde alpingruppa rigga seg til med partytelt, benkar og bord, og selde kaker, vafler og anna godt. Kjærkomment for trøytte fjellvandrarar.