Vårkonsert med klarinettkor

Skulekorpset og Hornmusikken hadde kvar si avdeling med tradisjonell norsk korpsmusikk. Lars Kaggerud dirigerte begge korpsa, og kunne også fortelje at han ville halde fram med det også til neste sesong.

Lignum har 22 medlemmar, der alle spelar klarinett. Klarinettane varierar frå veldig små til store bassklarinettar. Saman lagar dei ein veldig fin klang. Reportoaret deira er hovudsakleg klassisk musikk, der ein kunne tenkje litt i retning kammermusikk.

Lignum har konsertert mykje både i inn og utland. I 1997 gav dei ut sin første CD. I år har dei valt Norge som reisemål og har to ekslusive konsertar i Stordal og Tingvoll, før dei reser sørover med Hurtigruta.

Hornmusikken hadde denne helga nokre av medlemmene sine i Nederland (!), men gode venner frå Valldal steppar inn for å gjere hornmusikken spelbare. Saman med Lignum framførte dei ”Fiddle-Faddle”, eit musikkstykke som verkeleg set klarinettane på prøve. Dette gjekk i raskt tempo!

Lignum slo over til eit litt anna tempo. Dei spela mellom anna ein underbar versjon av Våren av Grieg, sikkert nok til ære for oss nordmenn. Med ”Tulipanar frå Amsterdam” fekk dei dessutan dei litt vaksnare blandt publikum med å synge. Det er mogleg dei var ein tanke forundra over at det også finnast norsk tekst på denne songen?

Innimellom all musikken vart det tid til kaffi og kaker, loddtrekning og medaljeutdeling til tre av skulekorpsmedlemmane. Jenny Kristin Langlo, Vegard Busengdal og Petrine Dyrkorn Alne har vore i Skulekorpset i fem år.

Stordal Skulekorps

Fiddle-faddle med Lignum og Hornmusikken

Klarinettkoret Lignum