Godt Nytt År 2007!

Då var 2006 historie, og vi ønsker det nye året velkoment.

Nyttårsaftan var som normalt i Stordal, rimeleg roligt. Eit par fakkeltog var ute og gjekk på kvelden, litt festligheiter var det og rakettar ved midnatt (sjølv om det alltid er nokon som ikkje greier å vente så lenge...)

Jula og romjula har vel også vore stille og fredeleg (bortsett frå ein og annan nyttårssalutt). Vi har merka oss at snøen har svikta oss i år. Til glede for dei som mokar og til fortviling for dei som gjerne vil gå på ski. Men som den gode Stordaling vi er, tek vi beina fatt på tur likevel.

Stordalsportalen har no vore i drift i snart eitt år. Vi er framleis ein dugnadsgjeng som gjer vårt beste for at innhald og den tekniske ramma skal fungere. Vi har hatt eit hackerangrep, som har ført til at ein del av innhaldet ”slo seg på tverke”. Framleis er dette noko vi jobbar med å rette på.

Vi vil nytte høvet til å takke alle som er med på å støtte portalen; lesarar, aktørar og innhaldsleverandørar. Vi ønsker gjerne å motta meir stoff vi kan legge inn; det vere seg bilder eller artiklar. Vi ønsker oss også fleire som kan stille opp som journalistar. Ikkje nødvendigvis proffar på området, men nokon som har interesse av og er glad i å skrive litt. Ta kontakt.

Ved Storevatnet romjula 2006
Foto: Johan Vinje

Tilslutt vil vi i Stordalsportalen vil ønske deg eit framgangsrikt nytt år 2007.

Skriv ut denne sida