Tur nr. 6: Ådalstinden 1433 moh

Turen gjekk frå parkeringsplassen på Kvitlane, fram råsa mot Fokhaugen på sørsida av elva. Vi tok av opp mot Storådalen. Råsa var god og lett å følgje. Stigning opp til Ådalsvatnet – ca. 900 moh. Langs vatnet ligg det to hytter som blir brukt til jakt og fiske, og vi fekk kikke inn i den eine.

Vi fekk ein pust i bakken, før vi fortsatte opp snaufjellet. Her var det ganske bratt. Vi følgde ein rygg der det var ganske bratt ned på begge sider fram til toppen av Ådalstinden. Utsynet frå tinden var fantastisk, vi kunne sjå frå fjella i aust til havgapet i vest. Til toppen brukte vi litt over tre timar.

Turen nedatt gjekk ned på vestsida av tinden, gjennom steinura. Her måtte vi trø forsiktig, så vi brukte litt tid på nedstigninga. Vi var innom toppen på Herda, 908 moh, før vi følgde den ganske nyrydda råsa ned til Kvitlane.

Fakta:
Dato: søndag 10. august
Tidsbruk: ca. 8 timar
Antal deltakarar: 11

Sjå fleire bilder i Bildegalleriet

Tekst og foto: Ruth Janne Vinje



-- Printa ut frå Stordal Turlag si heimeside under www.stordalsportalen.no --

eZ publish™ copyright © 1999-2024 eZ systems as