Her er nokre hovedpunkt som bakgrunn for skipinga av Stordal Turlag.

Bygdeutviklingsprosjektet Øvre Stordal
Dette prosjektet har arbeidd målretta over mange år for å utvikle verdiane som ligg i Øvre Stordal og Langsæterområdet.

Stordal Sogelag
Dette laget har gjennom dei siste 4 – 5 åra dokumentert ei rekke historiske og kulturelle tema og verdiar knytt til Øvre Stordal og Langsæterområdet så vel som i heile Stordal Kommune. Sogelaget har knytt gode kontakter til grannebygdene våre også i samanheng med fjellturar.

Landbruksorganisasjonane
Disse har engasjert seg i betydeleg grad for å rydde gamle vegar og stier i store deler av Stordal Kommune i samarbeid med ovanforståande. Andre lag og organisasjoner har også teke betydeleg del i slikt arbeid.

Samarbeidet mellom ovanståande prosjekt, lag og organisasjoner
Det har vore eit utstrakt samarbeid som har drege i gang prosjektet Synleg-gjering, der Stordal Sogelag står i spissen for å lage informasjonstavler og retningsskilt som etter kvart skal setjast opp i heile Stordal Kommune. Sogelaget har også allereie nedlagt eit betydeleg innleiande arbeid i å tegne turar inn på sine digitale kart. Mange personar har delteke i dette arbeidet.

Stordal Kommune
Etter initiativ frå Stordal Kommune har det vore halde møter mellom mange aktørar i Øvre Stordal og Langsæterområdet for å kome fram til omforeinte visjonar og målsettingar for vidareutvikling av heile dette området. Stordal Kommune har også støtta økonomisk mange enkelttiltak i friluftssamanheng.

Stordal Turlag
Skipinga av dette laget er ei erkjenning av behovet for å få til meir organiserte tiltak kring det å kartlegge, beskrive og gjere kjent det utruleg flotte turterrenget som vi har over heile kommunen og innover mot våre grannebygder. Det å halde i hevd kulturlandskapet, verne om og bruk av naturen, kulturminner og miljøet er også eit fokusert område. Det er etablert eit nært samarbeid mellom Tur og Trimgruppa under Stordal Idrettslag og Stordal Turlag vedkomande tilrettelegging av større og mindre turar. Disse vil utgi ei felles brosjyre over turar for 2007 sesongen.