Dei fire kornettistane fekk æra av å opne konserten. Vi fekk så høyre dei andre gruppene som er første- eller andreårs aspirantar til Skulekorpset. Det vart mykje fin musikk frå både klarinettistane, fløytene, saksofonen og karane på slagverk.
Stordal Musikkskule har mange talent og mange lærarar, men kjøper også lærerkrefter frå Ålesund. Dette er tilfelle med fiolin og cello. Også her er det rekruttering, Julia har enno ikkje starta i musikkskulen, men spelte eit vakkert stykke på fiolin.
Sist men ikkje minst fekk vi høyre elevane på piano. Desse har hatt Inna Krinica som lærar, og kunne glede oss med variert og fengande musikk. Med god hjelp frå læremeisteren, spelte dei også firhendig! Slett ikkje verst etter eit år i lære.
Stordalingar - ver stolt av ungane. Her er mykje talent. Musikk og kultur gjer livet rikare, og ungane er framtida vår!
