Tonika feirar 25 år

Tonika har halde koken i 25 år. Det er mange øvingstimar og stor innsats!

Søndag den 11. november feirar Tonika 25 år med stor konsert i Stordal kyrkje. Før konserten har koret festmiddag med innbedne gjester på Stordal bedehus. Dette har også vore øvingslokale så lenge koret har vore i gang.På konserten deltek Skodje kyrkjekor, Stordal hornmusikklag og sjølvsagt Tonika. Jostein Maude skal akkompagnere Tonika i tillegg til å ha eiga avdeling på orgel. Dei to kora skal både ha eigne koravdelingar i tillegg til fellesnummer.Konserten er klokka 18.00, og du er hjarteleg velkomen! Konserten er gratis, men med høvetil å gi ei jubileumsgåve.Du kjem vel?