Ny sesong i Tonika har starta

Skrive av: Roger Lillebø
Innlagt den 23.09.2014

Korsongen på Bedehuset er i gang att.

Onsdag 17. september starta Tonika med øvingane sine att. Vi er ikkje så mange, men tek til att med friskt mot, og vonar at nokon vil finne det verdt å ta til og synge saman med oss. Øvingstida er som ho alltid har vore - onsdagar frå klokka 19.30 til klokka 21.30. Vi ønskjer nye songarar hjarteleg velkomne.Solgunn Seljehaug har laga ein flott plakat om dette, som du bør sjå og lese grundig.
Onsdagen gfør hadde vi ei festleg samkome med middag på Nilsgardstunet, der vi markerte at to Tonika-medlemer - Ole Aasen og Svein Tafjord - har passert milepælen 80 år. Gratulerer så mykje!
No ventar vi på deg på øving i Tonika, der du får vere saman med ein frisk gjeng til song og godt humør.


-- Printa ut frå STORDAL BEDEHUS si heimeside under www.stordalsportalen.no --

eZ publish™ copyright © 1999-2019 eZ systems as