Nokre andakter. Henta frå andaktsboka "Trygg i dag" av Asbjørn Kvalbein. Omsett til nynorsk av Roger Lllebø
Første dag:
Anne Franks visdom.
Den jødiske jenta Anne Frank budde i Holland under
siste verdskrigen. Venlege menneske gøymde henne unna
så ho ikkje skulle bli teken. Ho hamna likevel i ein av
Hitler sine dødsleirar, og omkom berre nokre veker
før frigjeringa i 1945.
Anne Frank skreiv i dagboka si den 23. februar 1944: "Den
beste kuren for dei som er redde, einsame eller ulukkelege,
er å gå utandørs, eller ein annan stad der
dei kan få stillheit, og vere åleine med
himmelen, naturen og Gud. For berre då føler ein
at alt er som det skal vere."
David gav uttrykk for ein liknande tryggleik då han
skreiv i Salme 62: "Einast i von til Gud er mi sjel
still... Ver still for Gud, mi sjel! Frå han kjem mi
von." (Sal. 62,2 og 6)
Andre dag:
Vandre verdig
Då dronning Elisabeth var ung prinsesse, sa ho: "Fordi
eg er ei prinsesse, vil eg gjere det eg likar å gjere!"
Bestefaren hennar, Georg den femte, sa: "Å nei, vesle
frøken, det er nettopp fordi du er ei prinsesse, at du
aldri kan bli i stand til å gjere alt du vil like
å gjere!"
Når vi har fått del i eit stort kall og ei viktig
oppgåve i livet, har vi fridom, men også ansvar.
Ein kristen er kalla til å vere Guds tempel, Herrens
ambassadør, Jesu representant her i verda. Eit
privilegium - og ei oppgåve!
Apostelen Paulus skreiv til dei kristne i Efesus:Så
legg eg dykk på hjarta, eg som er fange for Herrens
skuld, at de må leva eit liv som er verdig det kallet
de har fått." (Ef. 4,1)
Tredje dag:
Edderkopp med meining
"Det finst ikkje ein edderkopp på slottsveggen som
ikkje har eit ærend. Det finst ikkje ein
løvetann i hjørnet av kyrkjegarden som ikkje
har ei meining. Det er ikkje eit einaste insekt som svevar i
brisen som ikkje har ein guddommeleg ordre å
utføre. Difor trur eg at Gu ikkje har skapt eit
einaste menneske... til å vere eit null og ingen ting.
Han skapte deg med ei hensikt. Finn ut kva målet er,
finn din nisje, og fyll den! Dersom det er aldri så
lite, om det så er berre å vere ein vassberar og
vedhentar, gjer noko i det store slaget for Gud og sanninga,"
skreiv Charles Spurgeon.
Dette er som ei konkret anvending av Bibelens ord: For vi
er hans verk, skapte i Kristus Jesus til gode gjerningar som
Gud føreåt har lagt ferdige, så vi skulle
ferdast i dei." (Ef. 2,10)
Fjerde dag:
Kjærleik utan frykt
Ein gut skreiv i eit brev til Gud: "Kanskje Kain og Abel
ikkje ville ha drepe så kvarandre så mykje dersom
dei hadde hatt kvar sitt rom.Dette har verka godt for broren
men og meg." Det kan vere tøffe tilhøve mellom
søsken. Men trass i alt er vi grunnleggande glade i
kvarandre innan familien.
Den som høyrer heime i Guds store familie, kan eige
ein endå større, grunnleggande tryggleik: Gud er
god! Eg kan legge bort all frykt når eg har vorte kjend
med Herrens kjærleik. Den er så sterk at han
kunne gi sin eigen son for meg. Som det står i ein
song: "Og han kjærlighet, det vet jeg, brenner alltid
like varm. Glad jeg vandrer ved hans side, vernet av hans
sterke arm."
Apostelen Johannes skreiv: "Det finst ikkje otte i
kjærleiken. Den fullkomne kjærleiken driv otten
ut." (!. Joh. 4,18)
Femte dag:
Steinelskaren
Ein kar som var interessert i steinar, kika rundt i ein
steinbutikk i Arizona i USA. Han la merke til ei
blåfiolett, grov sak som kunne sjå ut som ein
liten potet. - Kan eg får den for 15 dollar? spurde han
så roleg han kunne. Butikkmannen syntest ikkje steinen
var så vakker, så dermed senka han prisen til 10
dollar. Men oppkjøparen hadde greie på
edelsteinar. Han fekk den vurdert til 1900 karat naturleg
stjernesafir., og han vart taksert til 2.000.000 dollar! Det
trengdest ein steinelskasr til å sjå kva steinen
var verdt.
Det trengst ein menneskeelskar for å vite kva eit
menneske er verdt. Du kan sjå heilt vanleg ut. Gud, som
har skapt deg, veit kva du er verdt! Du er utvald, du er
utrusta med gåver, du er spesiell. Gud driv ikkje med
kloning.
Bibelen seier om mennesket som Gud skapte: Du gjorde han
lite ringare enn Gud, med ære og herlegdom krona du
han." (Sal. 8,6)
Sjette dag:
Han fyller jorda
Ein gut vart spurd: "Kor mange gudar finst det?" "Ein,"
svarte guten. "Korleis kan du vite det?" "Fordi det er berre
plass til ein, for han fyller himmelen og jorda," svarte
guten.
Eit barn kan i mangel på modning seie noko som er sant,
sjølv om det ikkje skjønar alt. Men guten har
jo rett: Det er berre plass til ein Gud, og han fyller
himmelen og jorda.
Om du ikkje merkar Gud så godt alltid, og du kan synast
han kan verke fjern, så kan du tru på dei mange
orda som seier av vi trygt kan søkje han. Han kan vi
be om frelse og hjelp og støtte gjennom livet.
Bibelen seier: "For kven er Gud forutan Herren, og kven
er eit berg, om ikkje vår Gud?" (Sal. 18,32)
Sjuande dag:
Den kan umogleg skje
Ein dag eg spekulerte på framtida, vart eg uroleg og
engsteleg. Når ein til dømes tenkje på
hatet mellom einskilde folkegrupper, og dei mange og
plutselege ulukkene som hender, kan ein kome i tvil om Gud
verkeleg har kontrollen.
Då fann eg eit godt vers i Gamle Landstads salmebok:
La verdens grunnvoll glippe
og jorden lukt forgå,
min nåde er den klippe
som evig skal bestå.
Hvi frykter du den skade
du aldri fikk å se?
Jeg vil deg ei forlate,
det kan umulig skje!
Nei, det kan umulig skje at Gud vil forlate eit av borna sine. Du kan vere trygg i dag. Profeten Jesaja seier på vegne av Gud: "Ved rettferd skal du vere grunnlagd.Ver trygg for trengsle - du har ingen ting å ottast, og for redsler - ho skal ikkje nå deg." (Jes. 54,14)