Bakgrunn for skipinga av turlaget:
Stordal Sogelag arbeider langsiktig for å utvikle eit stort område med eit omfattande turstinett. Sjå beskrivelsen av : Fjord Fjell Friluftsparken i Møre og Romsdal. Innen dette området engasjerer sogelaget seg sterkt for utvikling av KONSEPTET:
TUR MED OPPLEVING OG LÆRING. Sjå også beskrivelsen av dette.

Eit viktig formål med skipinga av Stordal Turlag var å engasjere mange turgåarar til å hjelpe til å kartlegge og beskrive mange fjellturar og registrere / gå disse opp med GPS-apparat. I det etterfølgende har vi her teke med nokre beskrivelser frå etableringa av Stordal Turlag.

Stordal Turlag
Innlagt den 04.12.2006
Skipinga av Stordal Turlag er ei erkjenning av behovet for å få til meir organiserte tiltak kring det å kartlegge, beskrive og gjere kjent det utruleg flotte turterrenget som vi har over heile kommunen og innover mot våre grannebygder.

Kort om bakgrunnen for stiftinga av Stordal Turlag

I det etterfølgende listes opp nokre hovedpunkt som bakgrunn for stiftinga av Stordal Turlag.

Bygdeutviklingsprosjektet Øvre Stordal.
Dette prosjektet har arbeidd målretta over mange år for å utvikle verdiane som ligg i Øvre Stordal og Langsæterområdet.

Stordal Sogelag.
Dette laget har gjennom dei siste 3 – 4 åra dokumentert ei rekke historiske og kulturelle tema og verdiar knytt til Øvre Stordal og Langsæterområdet så vel som i heile Stordal Kommune. Sogelaget har knytt gode kontakter til grannebygdene våre også i samanheng med fjellturar.

Landbruksorganisasjonane.
Disse har engasjert seg i betydeleg grad for å rydde gamle vegar og stiar i store delar av Stordal Kommune i samarbeid med ovanforståande.

Samarbeidet mellom ovanståande prosjekt, lag og organisasjonar.
Det har vore eit utstrakt samarbeid som har drege i gang prosjektet Synleggjering, der Stordal Sogelag står i spissen for å lage informasjonstavler og retningsskilt som etter kvart skal settast opp i heile Stordal Kommune.Sogelaget har også allereie nedlagt eit betydeleg innleiande arbeid i å tegne turar inn på sine digitale kart. Mange personar har delteke i dette arbeidet.

Stordal Kommune.
Etter initiativ frå Stordal Kommune har det vore halde møter mellom mange aktørar i Øvre Stordal / Langsæterområdet for å kome fram til omforeinte visjonar og målsettingar for vidareutvikling av heile dette området. Stordal Kommune har også støtta økonomisk mange enkelttiltak i friluftssamanheng.

Stordal Turlag.
Skipinga av dette laget er ei erkjenning av behovet for å få til meir organiserte tiltak kring det å kartlegge, beskrive og gjere kjent det utruleg flotte turterrenget som vi har over heile kommunen og innover mot våre grannebygder. Dette sjølvsagt med det siktemål å få born, unge, eldre og alle slags brukergrupper ut i våre naturområder. Det å halde i hevd kulturlandskapet, verne om og bruk av naturen, kulturminner og miljøet er også eit fokusert område. Disse tiltaka vil også vere svært viktige for dei verksemder i bygdene våre som bygg på naturbaserte opplevingar. Men også alle andre bebuarar og verksemder vil ha stort utbytte og stor nytte av dette tiltaket. Du oppfordres herved til å støtte disse målsettingane ved å melde deg inn i Stordal Turlag.

Vidare invitasjon til samarbeid.
Stordal Turlag inviterer alle lag, organisasjoner og relevante instanser både innanfor og utanfor kommunen til samarbeid med utgangspunkt i laget sine vedtekter og målsetting

VEDTEKTER STORDAL TURLAG

1. Formål
Laget skal :
* Vere aktivt i å kartlegge / beskrive fjellturar med ulike vanskegrader i Stordalsfjella og mot nabobygdene
* Stimulere til allsidig friluftsliv
* Arrangere turer i Stordalsfjella og til våre grannebygder

2. Styre
Laget skal leiast av eit styre på 3 medlemer, med 2 varamenn, som vert valde for 2 år i gongen. Eit styremedlem skal stå på val etter eitt år, første året, og sidan vert det alternerande to-års periodar. Leiaren skal veljast på årsmøtet kvart år.

3. Årsmøte
Årsmøtet skal haldast seinast innan mars kvart år og behandle; Styret si Årsmelding, regnskap, økonomi, retningslinjer for framtidige aktiviteter i laget, fastsette kontingent og velge styre.

4. Medlemer
Som medlem kan vere enkeltpersoner eller familier med ein oppgitthovedperson. Også utanbygds personer kan vere medlemer. Medlemene i laget har førsterett til å delta på turer og arrangement som laget står for.

5. Kontingent
Årsmøtet fastset kontingenten som skal betalast på forskot i januar for eitt år i gongen. Kontingenten er lik for begge framanforståande medlemstyper.

6. Vedtektsendringer
Forslag til endringer i vedtektene må ligge føre skriftleg minst 14 dagar før Årsmøtet. Endringer i vedtektene krev 2/3 fleirtal.

7. Oppløysing av laget
Vert laget oppløyst, skal eventuelle midlar overdragast til Stordal Sogelag. Årsmøtet avgjer oppløysing av laget, og det krevst minst 2/3 fleirtal.

STORDAL TURLAG har eiga Heimeside under Stordalsportalen.
Gå til Heimesider i Portalen / Stordal Turlag eller klikk her